first BLOG!

the thing called blog...

walang magawa, walang maisip, walang gustong gawin, wala, wala, wala..
ang mga nabanggit ay ilan sa mga dahilan kung bakit ko naisipan gawin ang blog entry na ito. matagal ko na din ninanais mag-blog dala ng pambubuyo ng aking mga kaofficemates na adik na adik sa blog at certified bully. ngunit, paano ko nga ba sisimulan ang aking blog? ano ang mga nilalaman nito? ano ba dapat ang i-blog ko?

first things first ay una: name..
dapat catchy at me dating. sa dinami-dami ng naisip kong pangalan ng aking blog e ito ang kinahantungan. parang walang dating, hindi din catchy at lalong hindi napag-isipan. dulot yata ito ng puyat o sadyang ganun lang ako mag-isip dahil mahal na araw ngayon.
TRIVIA: ang blog na ito ay nasimulan ng april 2, 2010 na kasalukuyang biyernes santo sa pinas.

next, susunod: nilalaman

dapat nga namang meron laman ang aking blog pero ang tanong, ano? sino? saan? kelan? paano? puro mga tanong na hindi ko naman alam ang sagot. ganito na lang siguro, ang nilalaman ng aking blog ay wala! bahala na ang mga masugid na mambabasa (kung meron man) na umunawa sa kung ano man ang kanilang mababasa dito, anything goes nga daw. dapat pala me warning sign dito, yung tipong 'park at your own risk'.

others
isang buong araw (kasabay ng aking trabaho) ang nagamit ko upang masimulan ang kauna-unahang blog entry na ito. hindi pa nga ako makapagdecide kung pure english o pure tagalog ang gagawin ko kaya anong petsa na ng masimulan ko 'to. ang resulta, taglish. e sa trip kong gawing taglish, walang basagan ng trip. saka, ano nga ba sa tagalog ang salitang "blog"? sa tingin ko e ginamit ko lang ang paraan kung saan ko maipapahayag kung ano man ang gumagambala sa malikot kong utak.

maintenance
tingin ko e responsibilidad ko ng magbuo ng blog everyday o di kaya every week. un para bang kailangan mong magluto dahil me naghihintay kumain sa iyong cafe world o di kaya e kailangan mong magtanim para meron kang aanihin sa farmville. ganun ako dapat kadedicated sa pagmemaintain nitong blogsite ko. kung gaano ako kaactive magcomment sa facebook, e sana ganun din ako sa blog na 'to para halos araw-araw ay meron daily blog entry ako. sana nga! wish me luck or better yet more money na lang.

bating pangwakas.. nawa'y hindi nyo na mapansin ang mali-mali kong spelling at grammar sa blogsite na ito. wala din capitalization at sobrang informal ang kinalabasan (inuulit ko, walang basagan ng trip). paunawa po lamang dahil hindi pa naman ako dalubhasa sa pagsusulat at wala pa akong award winning novel.

kaya sa mga susunod ko pang blog entry ay dahan-dahan naman sa paghuhusga dahil hindi pa end of the world.